A mitose e a citocinese

 Mitose: É a división do núcleo celular para dar lugar a dúas células fillas con idéntica información xenética que a célula nai 

A mitose é a forma de reprodución asexual común a todas as células eucariotas. O movemento dos cromosomas durante a mitose está controlado por dúas estruturas do citoesqueleto celular: centríolos e fuso mitótico

Profase: A cromatina condensada forma os cromosomas, desaparece a envoltura nuclear e o nucléolo, os centríolos migran cara os polos e formase o fuso mitótico

Metafase: Os cromosomas insírense nos microtúbulos  do fuso e dispóñense no centro da célula

Anafase: As cromátides idénticas de cada cromosoma sepáranse, as fibras do fuso acúrtanse e arrastran ás cromátides aos polos da célula

Telofase: Os cromosomas nos polos celulares descondénsanse para formar cromatina, aparece a membrana nuclear e o nucléolo, e desaparece o fuso mitótico

Citocinese: É a división do citoplasma entre as dúas células fillas, normalmente ocorre durante a telofase.

Nas células animais créase un anel contráctil de actina e miosina que produce un suco de segmentación que vai estrangulando á célula nai ata que as dúas células fillas se fan independentes

Nas células vexetais créase un fragmoplasto, ou tabique de separación, formado polas vesículas do aparato de Golgi